Принцот Хари не зборува често за своето минато, но тој реши да зборува за тоа на новиот подкаст во кој учествуваше. Имено, принцот Хари се појави на подкастот од актерот Дакс Шепард наречен „Armchair Expert“ во кој зборуваше за тоа како размислувал да го напушти кралското семејство назад во неговите 20-ти години, бидејќи сметал дека нема да може да се смести таму и да основа семејство.
Како што рече, тој се чувствувал дека „не ја сака работата на принц“ и се плашел дека историјата нема да се повтори, мислејќи на неговата мајка, принцезата Дајана и нејзината трагична смрт. Војводата од Сасекс претходно изјави дека се чувствува заробен во семејството, но дека не би заминал без неговата сопруга Меган.
Ко-водителката на Шепард, Моника Падман го праша Хари како се чувствува кога патувал низ Комонвелтот каде што „луѓето имале поголема слобода“ од него.
„Тоа е работата, нели? Смеј се и трпи, само продолжи. Во раните 20-ти години знаев дека не ја сакам оваа работа. Не сакам да бидам тука, не сакам да го правам ова, погледнете што и направи тоа на мајка ми. Размислував: „како некогаш ќе се сместам, ќе имам жена и семејство кога знам дека истото ќе се повтори? “, одговори Хари.
Тој се осврна и на неговата врска со неговиот татко, кој доживеа криза по бомбастичното интервју со Опра Винфри во март. Тој се пожали дека Чарлс се однесувал кон него исто како што се однесувало неговото семејство кон него, мислејќи на кралицата и покојниот принц Филип и истакна дека Чарлс страдал за време на воспитувањето што му го дале и дека принцот од Велс се однесувал кон него исто како што и тие се однесувале кон него.
Тој тоа го нарече тоа „генетско страдање“.
„Знаев сè, видов сè што се случува зад сцената. Знаев како сè работи и не сакав да бидам дел од тоа“, додаде тој.
Својот претходен живот во „Големото семејство“ го спореди со филмот „Труман шоу“.
Дури откако тргнал на терапија, тој почнал да мисли дека може да избере поинаков живот.
„Штом започнав да одам на терапија, се чинеше како капка да се истури преку чаша. Ја извадив главата од песок, добро се тресев и помислив: Престани да се жалиш, привилегиран си, престани да мислиш дека сакаш нешто поразлично – направи го ова различно. Бидејќи не можеш да излезеш од ова. Па, како да го правиш тоа, само поинаку? Како ќе ја направам мајка ми горда, како ќе ја користам оваа платформа за навистина да направам разлика и да им помогнам на луѓето?“, рече Хари, пренесе „Метро“.
Да потсетиме, принцот Хари со сопругата Меган Маркл и момчето Арчи ја напуштија Велика Британија и кралското семејство за да живеат послободен живот во Америка.
Тие моментално живеат во малиот град Монтесито, Калифорнија.