Хероите на моето детство: Спајдермен, Бетмен и Супермен ја посетија Детска клиника (ФОТО)

од Elena Daskalova

Црвениот крст на град Скопје по вторпат организира хуманитарна акција за посета на децата кои лежат на Клиниката за детски болести.

Со ова, тие им ја доловија празничната магија, но и многу ги израдуваа. Тројца херои, облечени како Бетмен, Спајдермен и Супермен се дружеа со децата, изведуваа вежби и со секој потег мамеа насмевки од детските лица.

Децата и останатите присутни на клиниката имаа прилика да се дружат и фотографираат со маскираните главни јунаци Спајдермен, Супермен и Бетмен. Под маските се кријат Јасин Буши, Оливер Петрески и Саша Цветковски, кои со задоволство прифатиле да бидат дел од овој прекрасен настан, кој барем празнично им го олеснува престојот на децата на Детската клиника.

Веќе втора година успешно се спроведува оваа акција, на која се радуваат не само малите, туку и возрасните кои сведочат на овој интересен настан.

loading...

Слични содржини