На социјалните мрежи се појави грозоморно видео на кое се гледа како хулигани вооружени со палки и факели ја напаѓаат полицијата на Булеварот на ослободувањето во Белград.
Неколку десетици хулигани во црно, кои се вооружени со дрвени палки, денеска се судрија со полицијата која успеа да ги растера од Булеварот на ослободувањето. На социјалните мрежи сега се појави видео од споменатиот инцидент.
Најпрвин може да се види како хулиганите фрлаат предмети кон службениците на српското МВР, а потоа тие почнуваат да напаѓаат.
In #Belgrade protesters against #Europride attack #police pic.twitter.com/CR8wkMULCi
— Serbian Monitor (@SerbianMonitor) September 17, 2022
Еден од толпата фрли запален факел кон полицијата.
Набргу потоа хулиганите ги напаѓаат полицајците.
Станува збор за противниците на манифестацијата „Европрајд“, кои со палки удриле две полициски возила и видно ги оштетиле.
Искршени се стаклата на автомобилот.
Да потсетиме, денеска во Белград се одржува манифестацијата „Европрајд“. Во рамки на настанот, насобраните ќе прошетаат до паркот на Ташмајдан.