Институтот за епидемиологија Роберт Кох почнува да зборува дека мерките преземени против ширењето на коронавирусот во Германија започнаа да покажуваат резултати, објавија денеска.
„Во моментов едно лице заразено со коронавирус инфицира едно лице. До неодамна, едно лице заразуваше седум други“, рече директорот на Институтот Роберт КоХ (ИРК) Лотар Вилер.
Во исто време, тој предупреди дека не е време да се релаксираат и да се ублажат мерките насочени кон намалување на социјалните контакти.
„Треба да достигнеме вредности кај кои еден заразен во просек заразува помалку од една личност. Се надевам дека ова ќе се оствари во следните неколку дена“, рече Вилер.
Сè уште е неопходно да се водат мерки за хигиена и оддалеченост, истакна тој и ги повика јавните транспортни компании да не го намалуваат бројот на возила за патниците да можат да одржуваат далечина.
Поради падот на бројот на патници, некои јавни транспортни компании, како што е Берлин, ја намалија фреквенцијата на патувања во подземните градските железници, што создаде гужва.
Скоро 80.000 заразени, многу помалку на исток
Во петокот, ИРК регистрираше 79.696 инфицирани од коронавирус, што е за околу 6.000 повеќе од вчера. Досега починале 1.017 лица како резултат на инфекцијата, што е за 145 повеќе отколку во четвртокот.
Остануваат значителни разлики меѓу сојузните покраини, со најголеми стапки на инфекција во Баварија и Северна Рајна-Вестфалија, а бројот на заразени на исток е многу помал.
Според „Шпигел онлајн“, германскиот министер за внатрешни работи Хорст Зехофер има намера да ги заостри мерките за влез за патниците кои доаѓаат од Полска, Чешка, Холандија и Белгија. За Австрија, Швајцарија, Луксембург и Данска, ваквите мерки се веќе воспоставени, така што лицата кои работат или имаат други важни причини влегуваат во Германија.
Исто така, треба да се воведе карантин за сите патници кои пристигнуваат на еден од германските аеродроми.