Актуелно
Почетна / Бизнис / Истанбулскиот канал ќе носи една милијарда долари годишно

Истанбулскиот канал ќе носи една милијарда долари годишно

Целта на проектот за изградба на Истанбулскиот канал е да се обезбеди безбедност на превозот, заштита на населението и животната средина. Ова го изјави турскиот министер за транспорт и инфраструктура, Јеит Турхан, за агенцијата „Анадолија“.

Тој го привлече вниманието на зголемениот обем на стоки што се транспортираат преку Босфорот.

Бројот на бродови што минуваат низ Босфор за 15 години е намален за 25%, додека во исто време обемот на товар е зголемен за 53%, рече министерот.

Според него, капацитетот на Истанбулскиот канал ќе биде 185 бродови дневно, додека преку Босфорот може да минуваат само 118 – 125 бродови на ден.

Целта на Турција е да создаде вештачки воден канал – алтернатива на Босфорот.

„Неговата моќност ќе биде скоро три пати поголема од онаа на Босфорот“, рече Турхан.

Според проценките на владата, оперативните приходи на идниот Канал првично ќе достигнат скоро 1 милијарда долари годишно.

Максималната моќност на каналот ќе биде 68.000 пловни објекти. Со поминување на 50.000 бродови годишно, приходите во турскиот буџет се очекува да достигнат 5 милијарди долари годишно.

loading...