Ново истражување спроведено од научници од Универзитетот во Саутемптон шокираше многумина. Имено, тие спроведоа истражување со 4.839 жени и 6.669 мажи на возраст од 16 до 74 години, а темата беше секс, односно кога и кому му здосадува.
Според „Индипендент“, резултатите покажале дека жените се оние на кои им здосадуваат сексуалните односи со партнерот, а некои губат интерес по само една година!
Постојат многу причини – раѓање на дете, воспитување на мали деца, замор, секојдневен стрес …
„Недостаток на желба за секс може да биде резултат на замор, стрес, грижа за децата … Тоа влијае на жените повеќе отколку на мажите “, тврдат авторите на истражувањето и објаснуваат како тоа понекогаш е под влијание на недостаток на емоционална блискост со партнерот, слаба комуникација и здравствени проблеми.
Жените откриле дека почнало да им пречи арогантното однесување на нивниот партнер, нивните тетоважи или слични украси на телото, а некои навеле лошо искуство во претходниот сексуален однос, па дури и насилен секс.
Дури 34 проценти од жените признале дека немаат интерес за врската, а истото го тврдат само 15 проценти од мажите, според студијата објавена во British Medical Journal Open.