Израелската армија соопшти дека го неутрализирала големиот систем на тунели ископани од милитантите на Хамас во Појасот Газа.
Израелските одбранбени сили (ИД) соопштија дека нивните борбени авиони уништиле повеќе од 90 километри тунели што го сочинуваат подземниот систем познат како Метро – „градот под градот“, пренесува Хина.
ИДФ соопштија дека продолжуваат со воздушните напади и нападите со топови во текот на ноќта и дека се погодени цели, вклучувајќи го и домот на еден од командантите на Хамас во Кан Јунис, фабрика за оружје и ракетни фрлачи.
Израелската војска соопшти дека тунелите биле изградени во период од пет години и му овозможиле на Хамас, кој управува со појасот Газа, да пренесува муниција, борци и храна во крајбрежниот појас.
Операцијата се случи во време на нов притисок врз двете страни од Соединетите држави за ставање крај на конфликтот.
Во четвртокот по полноќ Палестинците истрелаа повеќе ракети кон израелските градови.
Според ИДФ, од Појасот Газа во последните недела и пол се испукани околу 4.070 ракети.