Премиерот во заминување и лидер на СДС, Јанез Јанша синоќа упати честитки до победникот на парламентарните избори Роберт Голоб и неговото Движење за слобода и оцени дека СДС од овие избори ќе излезе посилна поради поголемиот број места во парламентот.
Според речиси конечните изборни резултати, СДС освои 28 места, за разлика од 25 пред четири години, а Јанша вели дека партијата значително го зголемила својот глас и победила во голем број изборни единици, вклучително и оние што никогаш претходно ги немала, пријави СТА.
Тој рече дека разликите меѓу партиите се многу помали од предвидените во излезните анкети, додавајќи дека резултатите можеле да бидат и поинакви доколку партиите кои соработувале со коалицијата во заминување излегле заедно на изборите.