Во страшните поплави во Либија, кои најмногу го зафатија градот Дерна, во близина на кој пукнаа две брани, загинаа илјадници луѓе, а околу 10.000 од нив се сметаат за исчезнати. Сателитските снимки од градот покажуваат колку бил разорен поројот.
Степенот на уништувањето е особено видлив кога ќе ги споредите фотографиите од градот направени пред поплавите со оние по поплавите, кои јасно покажуваат дека големи делови од Дерна едноставно биле уништени.
Бројот на загинати во поплавите во градот Дерна во источна Либија се искачи на 5.300, соопшти во вторник портпаролот на Министерството за внатрешни работи на владата на истокот на Либија.
Спасувачите се уште трагаат по телата на загинатите во поплавите, изјави Тарек ал Хараз, портпарол на владата на истокот на Либија.