Според првите информации, магнатот Џон Мекафи си го одзел животот во затвор во Барселона. Познат по истоимената антивирусна програма, Мекафи беше уапсен минатата година во Ел Прату, Шпанија, непосредно пред неговото планирано бегство во Турција.
Мекафи е обвинет за затајување данок, откако тој не пријавил приход од промоција на крипто-валути за време на неговата консултантска работа. Покрај тоа, тој имаше неколку ангажмани за говор, и исто така ги продаде правата на неговата животна приказна за документарен филм.
План за екстрадиција во САД
Смртта на 75-годишникот беше објавена неколку часа откако шпанскиот суд одобри негова екстрадиција во САД, каде може да биде осуден на затвор до 30 години, под обвинение за затајување данок. Сепак, тој сепак можеше да се жали на одлуката на шпанскиот суд.
Заработил 23 милиони?
Владините регулатори тврдат дека тој заработил повеќе од 23 милиони долари од 2014 до 2018 година. Тие велат дека ги заработил искористувајќи ја славата што ја стекнал и промовирал седум зделки со криптовалути во периодот од 2017 до 2018 година, што на крајот се покажале како безвредни, а тој не открил дека бил платен за да ги препорача.
Кој беше Мекафи?
Мекафи стана светски познат по основањето на Мекафи Асошиетс во 1987 година, кој го продаде првиот комерцијално достапен антивирусен софтвер. Неговото лично богатство достигна врв во 2007 година на околу 100 милиони долари, но се намали откако започна глобалната финансиска криза подоцна истата година.
Сепак, тој страдал од параноја целиот свој живот.
Стравот и паранојата на Мекафи започнале за време на неговото детство во Велика Британија, кога тој често бил тепан од неговиот татко, кој бил „насилен алкохоличар“. Но, кога имал 15 години, неговиот татко извршил самоубиство, а во следните години, самиот Џон започнал да пие многу. И покрај фактот дека успеал да заврши факултет, тој бил исклучен од докторските студии откако бил фатен со студентка, на кој требало да ѝ биде ментор.
Наместо тоа, тој работел на низа програмерски работи, но наскоро започна да се дрогира.
Се освестил во раните осумдесетти години, кога сопругата го оставила и добил отказ. Замислувајќи дека го заврши својот живот како неговиот татко, Мекафи конечно побарал помош што му била потребна за да се отрезни и да се вработи како софтверски инженер на „Локхид Мартин“. Додека бил таму, наишол на првиот познат компјутерски вирус. Тој се обиде да го разбие самиот, и како што успеал во тоа, тој успех го турнал кон слава и богатство.
Така, во 1987 година, Мекафи стана водечки светски експерт за антивирусни програми и го основаше „Мекафи Асошиетс“, со што неговиот антивирусен производ стана инстант хит во светот.
До крајот на осумдесеттите години неговата компанија заработуваше пет милиони долари годишно, а антивирусната програма на Мекафи ја користеа некои од најмоќните компании во светот.
Благодарение на вирусот „Микеланџело“ и антивирусните програми создадени од Мекафи, тој стана уште поуспешен.
Седум години подоцна, тој го продаде својот удел на Интел, собирајќи околу 60 милиони фунти.
Своето ново стекнато богатство го потроши на имоти на Хаваи, Аризона, Колорадо и Ново Мексико, како и на стари автомобили и флота авиони.
Но, по економскиот колапс во 2008 година, Мекафи ги продаде сите свои предмети на аукција и се пресели во џунглата во Централна Америка, каде купи вила во живописното Белизе.
После низа ексцентрични сцени од неговиот живот, поради параноја или не, само Мекафи веруваше дека некој сака да го убие. Во 2013 година, тој објави лудо видео во кое објасни како да ја деинсталирате антивирусната програма што го носи неговото име.
На својот блог пишуваше за безбедноста, шпионажата и слободата.