Њујорк е најтешко погоден од коронавирус во САД и во моментов има 75.795 лица заразени во оваа американска држава, вклучувајќи 1.193 полицајци.
Си-Ен-Ен јавува дека 1.048 униформирани полицајци и 145 цивилни полицајци во Њујорк биле заразени.
Гувернерот на Њујорк, Ендру Куомо изјави дека вкупно 1.550 луѓе починале во овој град од коронавирус денес, при што денес има само 332. Тој додаде дека досега се хоспитализирани 10.929 пациенти.
Гувернерот истакна дека никој не знае кога ќе завршат ограничувањата за коронавирус и ќе се врати животот во нормала.
„Сите сме загрижени и уморни. Целиот начин на живот е нарушен и сите сакаат да знаат само кога ќе заврши сето ова“, рече Куомо.
Тој ги повика сите Њујорчани да ги прилагодат очекувањата кон ситуацијата, за да не бидат разочарани секое утро кога ќе се разбудат.
„Сите може да имате хипотези, проекции, мислења, но никој не знае кога ќе заврши сето ова. Но, можам само да кажам дека тоа нема да биде во скоро време“, додаде Куомо.
Куомо зборуваше и за здравствениот систем во Њујорк, истакнувајќи дека државата има повеќе од 160 болници и здравствени системи, кои вклучуваат и приватниот и јавниот сектор, кои „соработуваат како никогаш досега“.
“Во Њујорк, имаме вкупно 75.000 болнички кревети, а болниците во округот Насу и Олбени мора да бидат на располагање. Точно, ова е многу полесно да се каже отколку да се направи, но немаме други опции“, заврши Куомо.