Кралската пошта на Велика Британија ќе издаде специјална серија од 10 поштенски марки на кои за првпат ќе биде претставена силуетата на новиот британски крал Чарлс Трети.
Ликот на кралот Чарлс Трети за првпат ќе ја замени силуетата на неговата мајка, кралицата Елизабета Втора, која почина во септември минатата година, на британските поштенски марки, јавува Би-Би-Си.
Овие поштенски марки покажуваат градинарски цвеќиња, а фигурата на кралот Чарлс Трети, прикажана од десниот профил, може да се види во горниот лев агол.
King Charles makes first appearance on special stamps https://t.co/rCD1BCHx8v
— BBC News (UK) (@BBCNews) March 14, 2023
Поврзаноста на Чарлс Трети со градинарски цвеќиња го одразува фактот дека британскиот крал е познат како „страствен градинар“, изјави Дејвид Голд од Кралската пошта.
Овие поштенски марки може да се нарачаат од денес, а ќе бидат пуштени во поштенскиот сообраќај следната недела, додава Би-Би-Си.
Ликот на починатата кралица Елизабета Втора се користеше за специјални изданија на британски поштенски марки од 1968 година.
Поштенските марки со силуетата на Елизабета Втора ќе продолжат да се користат додека не се потрошат залихите.