Принцот Вилијам и неговата сопруга Кејт Мидлтон објавија дека нивното сакано куче Лупо починало за време на викендот.
Тажната вест кралскиот пар ја објави на Инстаграм.
„За жал, нашето мило куче Лупо почина минатиот викенд. Тоа беше во срцето на нашето семејство во последните девет години и многу ќе ни недостасува“, напишаа тие.
Лупо бил англиски Кокер Шпаниел, потомок на куче што им припаѓало на родителите на Кејт Мидлтон. На Вил и Кејт им беше даден како подарок за венчавката во 2011 година.
Токму ова прекрасно куче се појави со принцот Џорџ на една од првите официјални фотографии на најмалите – тој наводно му помогнал на малиот принц да го добие своето име. Имено, парот на подот ставил хартии со разни имиња за момчето, а потоа Лупо го згазнал името Џорџ.
Кучето го добило името од Кејт Мидлтон, која го именувала по нејзината прабаба од татко – Оливија Кристијана Луптон.
Нејзиниот брат, Џејмс Мидлтон, исто така, му оддаде почит на Лупо, кој потекнуваше од истото легло како и неговите кучиња Ела, Зулу, Инка и Луна.
„Никогаш ништо не може да ве подготви за загуба на куче. Оние што никогаш немале куче може да биде тешко да ја разберат загубата. Сепак, оние кои сакале куче ја знаат вистината: кучето не е само милениче; тој е член на семејството, најдобар пријател, лојален придружник, учител и терапевт. Многу луѓе ме контактирале со години поради болката откако изгубиле куче, а за повеќето губењето куче е споредливо со губењето на некој близок во скоро секој поглед“.
За време на неговиот среќен кралски живот, Лупо имаше и еден инцидент – во 2013 година пожарникарите беа повикани да го спасат откако тој ја заглави главата во портата на кралскиот дом во Беркшир.
Сепак, пред да пристигнат, Лупо успеа да се ослободи.