Рускиот министер за надворешни работи Сергеј Лавров изјави дека самитот на НАТО во Мадрид уште еднаш покажа дека земјите-членки очекуваат безусловна послушност, пренесува руската прорежимска агенција ТАСС.
Лавров ги прозва САД.
„Верувам дека на сите им е очигледно што очекуваат. Тие не се воздржуваат да зборуваат за тоа, како што рекоа уште еднаш вчера на самитот на НАТО во Мадрид. Очекуваат безусловна послушност на нивната волја од сите земји, одразувајќи ги нивните себични интереси, пред се американските интереси“, рече Лавров.
„Европа ги почитува ставовите на САД“
Лавров истакна дека модерна Европа, претставена од ЕУ, ја губи својата независност или знаците на независност што ги имаше. Тој додава дека Европа се покорува на ставовите наметнати од САД и вели дека тоа важи и за економските санкции кои се воведени кон Русија.
„Ако ги споредите санкциите наметнати од европските земји кон Русија и Белорусија со санкциите што ги воведоа Соединетите Држави, можете да видите дека САД се љубезни кон себе и се трудат да не бидат премногу активни во области кои сериозно ќе и наштетат на нејзината економија“, рече тој.
Рускиот министер за надворешни работи истакна дека САД ги трпат негативните ефекти од санкциите, но верува дека Европа страда многу повеќе. Лавров вели дека САД сакаат да ја ослабат и Русија и ЕУ. „ЕУ е во конкуренција со САД“, додаде Лавров.
„Се спушта нова железна завеса“
Лавров рече и дека новата железна завеса веќе се спушта меѓу Русија и Западот, пренесува АФП. Тој вели дека Москва отсега нема да им верува на Вашингтон и Брисел.
„Железната завеса веќе се спушта. Процесот е започнат“, рече Лавров по средбата со неговиот белоруски колега.
Лавров ја обвини ЕУ дека воопшто не е заинтересирана да ги разбере интересите на Русија. Рускиот министер вели дека го интересира што е одлучено во Брисел.
„Она што беше решено во Вашингтон, беше одлучено во Брисел“, рече тој.