Лукашенко ги обвини Полска, Литванија, Украина, САД и Германија дека финансирале „терористички напади“ во Белорусија

Во 2021 година, во Белорусија беа спречени 11 обиди за терористички напади финансирани од Полска, Литванија, Украина, САД и Германија, изјави претседателот на Белорусија, Александар Лукашенко.

„Во текот на 2021 година државната безбедност на Белорусија во соработка со други државни структури спречи 11 обиди за терористички напади кои беа организирани и финансирани од Полска, Литванија, Украина, Соединетите Американски Држави и Германија. Тоа го знаеме“ го цитира агенцијата „Белта“ Лукашенко.