Белорусија ќе ги затвори своите копнени граници за своите граѓани до крајот на овој месец како дел од мерките за борбата против пандемијата.
Одлуката за затворање на границите ќе им забрани на жителите на Белорусија да патуваат освен ако патувањето е за деловно или студирање, а забраната ќе стапи на сила 10 дена по објавувањето на одлуката.
Возачите на меѓународни камиони и дипломатите ќе бидат ослободени од забраната, додека странците сепак ќе имаат дозвола да влезат во земјата, но ќе треба да бидат ставени во карантин 10 дена.
Во ова време не е прецизирано кога повторно ќе бидат отворени копнените граници.
До средата, белоруското Министерство за здравство официјално објави 152.453 случаи на коронавирус а и 1.230 починати лица.
Затворањето на границите беше критикувано од опозицијата, споредувајќи ги со советската „железна завеса“ и тврдејќи дека вистинската причина е што премногу луѓе сакаат да избегаат од репресивниот режим.
Белорусија се соочува со одлив на граѓани и работна сила, а соседните земји од Украина до Балтикот привлекуваат луѓе и компании преку забрзани процедури за имиграција и даночни олеснувања.
Премиерот Роман Головченко на почетокот на овој месец рече дека Белорусија ќе работи на запирање на заминувањето на луѓето, велејќи дека властите сакаат да спречат одлив на млади луѓе.