Сите важни работи во Белорусија ќе бидат решени со почитување на мислењето на народот, изјави денеска претседателот на Белорусија, Александар Лукашенко.
„Сè додека сум претседател, ќе одлучуваат само Белорусите, а не самиот претседател, ниту шефот на администрацијата. Највисоките функционери, замениците, нема да донесуваат одлуки сами“, рече Лукашенко.
Тој подвлече дека ќе ја прифати секоја одлука на народот.
„Ако утре луѓето одлучат да влезат во НАТО, северноатлантскиот блок, како што сугерираат овие демонстранти – тогаш ќе се приклучиме на НАТО“, рече Лукашенко.
„Ако луѓето одлучат да ја исечат нашата земја на парчиња и да ја дадат, тогаш таа ќе биде исечена. Но, ако одлучат дека ќе живееме во мирна, тивка, културна земја, тогаш ќе живееме во таква земја“, рече претседателот.