Марковски: Позитивен тест на коронавирус без симптоми не е болест, може да е инфекција

Позитивен тест на коронавирус без симптоми не е болест. Ова го кажа проф. д-р Вело Марковски во вечерашното гостување на ТВ21. Тој даде објаснување што значи и како реагира телото кога има болест, и дека позитивен тест не е болест, туку може само да е инфекција.

„ПЦР технологија открива секвенции на вирусот, не жив вирус, затоа не мора да значи болест. Но, вирусот може и да постои. Кога ќе навлезе, тоа е инфекција, и таа може да се докаже со серолошки тестови. Не мора пациентот да има симптоми, а кога ќе има симптоми, тогаш е болест“, објасни Марковски.