Веќе некое време се шпекулира дека седанот Ghibli на Maserati ќе биде укинат, а најновите вести го потврдуваат тоа.
Управниот директор на компанијата за Австралија, Грант Барлинг, изјави за изданието Drive дека Ghibli „ќе премине во фаза на крајот на животот во 2024 година“.
Тој, исто така, објасни што носи иднината за Quattroporte. Веќе е потврдено дека ќе добие чисто електрична верзија, но со напомена дека новиот Quattroporte всушност ќе биде помал од сегашниот модел. Ова ретко се случува во автомобилската индустрија бидејќи автомобилите стануваат се поголеми и поголеми со следната генерација.
Барлинг објасни дека Quattroporte ќе биде приближно со иста големина како и Ghibli во заминување.
„Долгорочниот план е Ghibli да биде заменет со Quattroporte. Планот е Ghibli и Quattroporte да станат едно. Така, Quattroporte ќе стане [модел] со кратко меѓуоскино растојание – со големина на Ghibli, но ќе се вика Quattroporte. Да бидам искрен, сегментот во кој се натпреварува Ghibli е доста паднат“.
Еден од најстарите автомобили во премиум сегментот, третата генерација на Ghibli постои од 2013 година. Со зголемувањето на бројот на кросовери и теренци, седанот на Maserati ќе биде уште една жртва на купувачите кои ќе се префрлат на SUV понудите.
Исто така, потврдена е и следната генерација на Levante, која ќе добие EV верзија.
Барлинг објави дека твин-турбо 3,8 литарскиот V8 мотор што се користи во верзијата Trofeo на Ghibli, Quattroporte и Levante, исто така, ќе биде укинат. Maserati сега има свој твин-турбо 3.0 литарски V6 наречен Nettuno. Моторот со помала зафатнина нема да биде достапен повеќе од седум години, бидејќи Maserati веќе го сигнализираше пропаѓањето на SUS моторот со тоа што ќе стане целосно електричен во 2030 година.
Пред тоа да се случи, суперавтомобилот MC20 ќе добие EV верзија, слично како сите идни производи на компанијата.