Најбогатиот човек на светот, според Форбс, Елон Маск, „тежи“ 232 милијарди долари, договорил борба во кафез против 10-от најбогат човек на светот, Марк Закерберг, кој има приближно 100 милијарди долари на својата сметка, пишува Би-Би-Си, а сега почнале и со подготовките.
Маск почна да тренира ММА, а му помога Лекс Фридман, компјутерски научник и подкастер кој има црн појас.
– Исклучително сум импресиониран од неговата сила, моќ и умешност, на нозе и на земја – напиша Фридман покрај фотографијата од дуото како вежба.
I did an impromptu training session with @elonmusk for a few hours yesterday. I'm extremely impressed with his strength, power, and skill, on the feet and on the ground. It was epic. It's really inspiring to see Elon and Mark doing martial arts, but I think the world is served… pic.twitter.com/cq00A9Xnmw
— Lex Fridman (@lexfridman) June 27, 2023
Маск добил сензационална понуда и од легендата на УФЦ, Жорж Сент-Пјер (42) да му помогне да се подготви, пишува Daily Mail.
– Јас сум твој голем обожавател и би ми било апсолутна чест да ти помогнам и да бидам твој тренинг партнер за предизвикот против Закерберг – напиша Пјер на Твитер, што Маск го прифати.
Шефот на УФЦ, Дејна Вајт, рече дека ова ќе биде една од најгледаните борби досега.
– Разговарав со Марк и Елон… и двајцата се апсолутно мртви сериозни за ова. Најголемата борба на сите времиња беше Флојд (Мејведер) и Конор (Мек Грегор), само мислам дека сега ќе биде тројно поголема“, изјави тој за TMZ.
Исто така, Вајт сугерираше дека борбата може да се одржи во Лас Вегас и дека плаќањето „по гледање“ ќе чини 100 долари – 20 повеќе од она што вообичаено се наплаќа за настани на УФЦ.
Да потсетиме дека Маск ја објави веста за апликација која ќе му конкурира на Facebook, а Закерберг ја коментираше објавата. Сè започна кога еден корисник на Твитер му напиша на Маск:
– Биди внимателен бидејќи слушнав дека Закерберг сега вежба џиу џицу.
Потоа, Маск објави на Твитер дека е „подготвен за борба во кафез“, а Закерберг брзо одговори и напиша: „Испрати ми ја локацијата“.