Загреб и Љубљана се тука за да им помогнат на пријателите од Западен Балкан да влезат во Европската унија, бидејќи тоа е во интерес на сите, како и претпоставката дека и Словенија е заинтересирана за влез на Хрватска во шенген-зоната, изјави хрватскиот претседател Зоран Милановиќ вчера во Блед.
Претседателот на Процесот Брдо-Бриони, претседателите на Хрватска, Зоран Милановиќ и на Словенија, Борут Пахор, одржаа работен состанок во Блед во пресрет на годишниот состанок на Процесот Брдо-Бриони, објави Хина Иницијатива Брдо-Бриони во изминатите 10 години „покажа дека има многу смисла“, рече Милановиќ пред средбата со неговиот колега Пахор, пренесува Танјуг.
„Тука сме да ги охрабриме и да им помогнеме на пријателите и соседите од Западен Балкан, по правило од поранешна Југославија плус Албанија, да влезат во Европската унија што е можно побрзо, ако е можно, бидејќи тоа е во интерес на сите“, рече Хрватот.
Според Хина, Милановиќ претпоставува дека е во интерес на Словенија што е можно побрзо Хрватска да влезе во Шенген зоната.
„Сето тоа е дел од широка приказна во која ќе сториме се што е можно, пред се на нашата влада, односно извршната власт, но и од наша страна, така што нашите соседи ќе станат дел од заедницата на која припаѓаме“, рече Милановиќ.
Претседателот на Хрватска вели дека не постојат исти ставови за сите прашања, но дека верува дека има точки што се компатибилни.
Пахор рече дека по година и пол прекин на дијалогот, се потенцира разликата во ставовите, но додаде дека поради тоа потребата за дијалог е уште поголема.
„Ние го гледаме Западен Балкан како целина, и не само како одделни држави“, рече Пахор, како што објави словенечката агенција СТА.
Процесот Брдо-Бриони беше инициран од Хрватска и Словенија во 2013 година со цел да се стабилизира состојбата во европскиот југоисток преку регионална соработка и решавање на отворени прашања и да се создадат предуслови за проширување на Европската унија.