Мишел: Западен Балкан е приоритет за ЕУ, сега повеќе од кога било

Претседателот на Европскиот совет, Шарл Мишел, кој денеска во Подгорица се сретна со црногорскиот претседател Мило Ѓукановиќ, изјави дека ова е важен момент за европската иднина на Западен Балкан и дека Западен Балкан е стратешки приоритет на ЕУ, сега повеќе од кога било.

„ЕУ беше обединета во воведувањето санкции кон Русија, а притисокот го обезбедува континуитетот на шест пакети санкции“, рече Мишел на заедничката прес-конференција со Ѓукановиќ, велејќи дека Западен Балкан е стратешки приоритет за ЕУ и тоа сега повеќе од кога било.

„Црна Гора е постојан партнер на ЕУ повеќе од една деценија и има рекорд од 100 отсто усогласување со политиката на ЕУ“, изјави денеска во Подгорица Шарл Мишел.