Од први јануари, многу жители на Германија ќе бидат задоволни со повисоките пензии, минималните плати и државниот поттик „Бургергелд“.
Во 2024 година инвалидските пензии ќе се зголемат за три милиони приматели. Според германското друштво за пензиско осигурување, износот зависи од тоа кога започнува пензијата. На пример, секој што отишол во пензија од 2001 до 2014 година добива додаток од 7,5 проценти. Доколку пензијата почнала од јуни 2014 година до декември 2018 година, „доплатата“ е +4,5 отсто.
Веќе во 2023 година пензиите се зголемени на запад за 4,39 отсто, а на исток за 5,86 отсто, пишува „Феникс“.
Веќе од 1 јануари 2024 година, многу Германци ќе имаат корист од новото зголемување на минималната плата. Минималната саатница ќе се зголеми за 41 цент на 12,41 евро, објави федералната влада.
Оние кои работат на „мини работни места“ ќе имаат двоен бенефит од новата минимална плата: месечната граница за плата во 2024 година ќе биде 538 наместо сегашните 520 евра, пренесува „Феникс“.
Од 1 јануари 2023 година, во Германија има „Бургергелд“ – приход на граѓанинот.
Во зависност од животната ситуација на корисникот, граѓанскиот приход ќе биде поголем од 2024 година. На пример, стандардното барање за самохрани возрасни се зголемува за 61 евро, од 502 на 563 евра. За сите групи луѓе, бенефитот од „Бургергелд“ ќе се зголемува за најмалку 39 евра месечно.