Нема ништо подобро отколку кога се будиме наспани, одморни и подготвени за нови авантури и задачи. Спиењето е важно поради енергијата, влијае на состојбата на кожата, го намалува стресот и опасноста од сериозни здравствени проблеми како што се дијабетес и срцеви заболувања. Меѓутоа, доаѓањето на есента и скратувањето на времетраењето на дневната светлина може да има лош ефект врз спиењето, а еве како да го спречите тоа.
Промената на должината на денот значи дека времето на изгрејсонце и зајдисонце е различно, а на тоа дополнително влијае и поместувањето на часовникот за зимско сметање на времето на крајот на октомври, пишува магазинот „Сити“.
Истражувањата покажуваат дека најдобро време да станете и да го започнете денот е кога изгрева сонцето. За нашата земја, овој момент во октомври се случува помеѓу 6:30 и 7:30 наутро, така што ова може да биде приближно време.
Што се однесува до зајдисонце, тоа се случува во октомври помеѓу 17:30 и 18:15 часот. Научниците го препорачуваат овој момент како добар избор за завршување на работата и започнување на слободно време и одмор. Се разбира, работното време и обврските не можат секогаш да се прилагодат на овој распоред, но важно е барем да се координира станувањето.
Нарушен циклус на спиење влијае на циркадијалниот ритам и како резултат на тоа може да бидете уморни наутро и полни со непотребна енергија пред да заспиете.
Се разбира, најважно тука не е да бидете строги и точни во минута, туку да го слушате вашиот организам и неговите потреби.
Изгрејсонцето и зајдисонцето се уште имаат влијание врз нашиот внатрешен часовник и состојбата на телото, без разлика колку сме биле свесни за тоа или не. Затоа не е лошо да обрнете внимание, бидејќи оваа есен може да спиете многу подобро.