НАТО бара „силна меѓународна реакција“ на инцидентот со Навални

од Stefanija Kuzmanovska

Генералниот секретар на НАТО, Јенс Столтенберг, изјави дека ситуацијата со Алексеј Навални е кршење на меѓународното право и повика на „силна меѓународна реакција“, пренесе „Спутник“.

„Тоа не беше напад врз еден човек, туку врз основните демократски права, тоа е исто така сериозно кршење на меѓународното право. Затоа е потребна силна меѓународна реакција“, рече Столтенберг на годишниот форум за трансатлантска безбедност во Вашингтон, кој годинава се одржа во видео формат.

Тој повторно ја повика Русија да спроведе „целосна и транспарентна истрага за инцидентот“.

Да потсетиме, германската влада, повикувајќи се на лабораторијата во Бундесвер, објави дека рускиот опозиционер е затруен со супстанца од групата хемиски воени отрови „новичок“. Руското обвинителство побара од Германија да објави информации за прегледите и прелиминарните дијагнози на рускиот блогер, но не доби никакви информации.

loading...

Слични содржини