Нема починати од коронавирус во последните 24 часа, регистрирани 13 новозаразени

Според последниот дневен извештај на Министерството за здравство, во последните 24 часа, регистрирани се 13 нови случаи на КОВИД-19 од Тетово – 7, Скопје – 6. Согласно податоците од Институтот за јавно здравје, биле тестирани 3.404 лица.

„Исто така регистриран e 1 оздравен пациент од: Прилеп, а не се регистрирани починати пациенти“, стои во соопштението на МЗ.

Досега во земјата се направени вкупно 906.529 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 155.783, бројката на оздравени пациенти е 150.124, на починати е 5.487, а бројот на активни случаи изнесува 172.