Невреме со дожд и град однесе еден живот во Франција

Невреме со дожд и град кое зафати поголем дел од Франција однесе еден човечки живот, оштети лозја и принуди илјадници излетници да бараат засолниште.

Жена го загубила животот бидејќи била заробена под автомобил во одрон на земјиште поради силните дождови во градот Руан на северот на земјата, соопштија од кабинетот на градоначалникот, пренесува Франс 24.

Во Париз саботните настапи на музичкиот фестивал беа откажани поради лошите временски услови, а речиси 40.000 посетители на концертот беа замолени да го напуштат концертниот простор во шумата Вансена на периферијата на главниот град.