Протестите за бруталното полициско убиство на Афроамериканецот Џорџ Флојд во Минеаполис продолжуваат десетина дена, а полицијата синоќа повторно употреби прекумерна сила во градот Бафало во сојузната држава Њујорк.
Двајца полицајци удрија и турнаа со палка демонстрант, човек на 75-години, по што падна на земја, а потоа поминуваа покрај него.
Ројтерс пренесува дека во видеото на локалната радио станица се слуша звук на кршење слично на кршење на коските, а потоа се видело дека срушениот демонстрант крвари од увото.
Можете да видите како продолжува да се движи кордонот, а полицаецот кој го удри демонстрантот заканувачки се потпира врз него сè додека еден колега не го повлече за рака и го однесе понатаму.
Некој се слуша како повика на брза помош, а локалното радио во својот извештај потврди дека во меѓувреме пристигнала брза помош, му помогнала на повредениот да влезе во возилото, а подоцна објави дека е згрижен и е во стабилна состојба.
Двајца полицајци се суспендирани без надомест.
Видеото од Бафало предизвика гнев на социјалните мрежи, каде многумина го осудија потегот на полицијата.