Од утрово 300 сообраќајки: Колапс во Киев поради снег (Фото/Видео)

Поради густиот снег кој од утрово паѓа во Киев, Украина, се случиле околу 300 сообраќајни незгоди.

Како што јави украинската новинска агенција Униан, заменик-началникот на полициската служба, Алексеј Билошички, изјави дека ситуацијата во сообраќајот е многу сложена поради временските услови.

„Во овој момент активни се сите служби за санирање на последиците. Формиран е посебен оперативен штаб кој управува и ги надгледува сите служби, меѓу кои полицијата, патните служби и Службата за вонредни состојби“, вели тој.

Полицијата ги предупреди граѓаните да обрнат внимание на техничката исправност на возилата и летните гуми да ги заменат со зимски.

„Забележавме голем број сообраќајни несреќи поради моменталната ситуација. Забележани се околу 300 сообраќајки во Киев, почнувајќи од утрото, а тоа е многу голем број“, вели тој.

Агенцијата наведува дека снегот почнал да паѓа утрово и дека во Киев се ангажирани 350 тимови за расчистување на снегот.

Извештаи за повредени, за сега нема.