Панчев: Модриќ не е најдобар ниту во историјата на Хрватска, камо ли на овие простори!

Во интервју за Вечерњи лист еден од најдобрите македонски фудбалери во историјата Дарко Панчев даде оценка за квалитетите на регионалните лиги и за некои фудбалери од овој регион.

Најинтересно беше мислењето за Лука Модриќ кој е актуелен освојувач на Златната топка како прв фудбалер од поранешна Југославија кому му успеало тоа.

„Лука Модриќ секако е одличен играч, еден од најдобрите на овие простори. Но, фудбалот е поради интересен, многу пати дава, но и зема. Мислам дека тој не е ни најдобар хрватски фудбалер во историјата, а секако не е најдобар од овие простори. Без оглед на сите награди кои заслужено ги освои“, изјави Панчев.