296
По пет години врска, Гвен Стефани и Блејк Шелтон се верија.
Шелтон ја запроси пејачката денес, а таа на својот Инстаграм профил веднаш објави фотографија со прстен на раката.
Додека Блејк ја објави истата фотографија на својот профил на Твитер.
Двојката се запозна на снимањето на популарното шоу „Гласот“ во 2014 година, а веќе следната година започнаа да се забавуваат.
Гвен еднаш во шоуто со Елен Деџенерис призна дека сè додека не се запознале, таа дури и не знаела кој е Шелтон.
Претходно, пејачката беше омажена со музичарот Гевин Росдејл, а нивниот развод официјално се случи во 2016 година.
Од друга страна, Шелдон беше во брак двапати.