Подарок на Абрамович за Тухел – 175 милиони за засилувања

од Vladimir Zorba

Минатото лето, Челси потроши многу пари на засилувања.

Френк Лампард ги доби Каи Хаверц (80 милиони), Тимо Вернер (53), Бен Чилвел (50,2), Хаким Зијеш (40) и Едуардо Менди (24), а потоа дојде Томас Тухел и намести сè, го донесе тимот до финалето на Лигата шампион и во ФА купот, кое го игра утре против Лестер.

Како награда, Тухел ќе добие финансиска инјекција за нови засилувања во износ од 175 милиони евра.

Англиските медиуми пренесуваат дека Тухел е задоволен од тимот, и дека сака да го засили напаѓачкиот дел од тимот.

Му треба „убиец“ и три имиња се во центарот на вниманието.

Првиот е Ерлинг Халанд, бомбардерот на Борусија, вториот е Хари Кејн, капитенот на Тотенхем, а трет е Ромелу Лукаку, одличниот белгиски напаѓач на Интер.

Се споменува и еден дефанзивец, бидејќи Тиаго Силва е во сериозни години, а станува збор за Никлас Зуле од Баерн …

Челси следната сезона очигледно ќе има уште поголеми амбиции …

Слични содржини