Дерек Човин (44), првообвинетиот за убиството на Џорџ Флојд, денес се појави на суд за првпат во Хјустон.
Првото појавување во судот е типично од процедурален тип. Обвиненијата му се читаат на обвинетиот, иако повеќето адвокати се откажуваат од тоа, износот на кауција е утврден и се одредува датум за ново рочиште.
Условна и безусловна гаранција. Која е разликата?
На Човин му била изречена нова кауција. Имено, судијата Џенис Рединг ја зголеми безусловната кауција од претходните милиони долари на 1,25 милиони долари. Другата, условна кауција, била подигната од 700.000 долари на 1 милион долари.
Условите вклучуваат појавување на рочишта во иднина, да нема кршење на законот, да не се вработува во ниедна агенција за обезбедување или како полицаец, да го предаде оружјето и муницијата за кое било лиценцирано оружје, да не заминува од Минесота и да нема контакт со семејството на Џорџ Флојд. Исто така, условите вклучуваат откажување од екстрадиција доколку тој се случи да ја напушти сојузната држава Минесота и дека друга држава мора да го екстрадира поради кривична постапка.
На суд преку видео-врска, Човин и адвокатот без искази
Човин не бил таму физички заради мерките за заштита од коронавирус, но тоа е направено преку видео-врска. Со лисици на рацете и во портокалова затворска облека, Човин се појавил пред судијката Џенис Рединг, пренесува „Трибјун стар“.
Обвинителот Метју Френк истакнал дека сериозноста на обвинението на Човин, како и јачината на јавното мислење против него, го прави поризично, во случај да избега.
Човин и неговиот адвокат Ерик Нелсон не дале исказ во ова кратко сослушување од 15 минути. Да потсетиме, тој бил обвинет минатиот месец за убиство со предумисла.
Во американскиот правен систем, некое лице може да се гони по неколку точки, од најтешката опција, убиство со предумисла во овој случај, до убиство од небрежност, што е најлесно за овој случај. Ако судот и поротата не го осудат лицето по првото обвинение, сепак може да го обвинат за второ.
Останатите тројца офицери вклучени во смртта на Флојд – Томас Лејн, Џеј Александар Кенг и Ту Тао – се обвинети за помагање и поттикнување на убиство од втор и трет степен.