Помпео: САД сакаат да работат со Русија за да се стави крај на конфликтот во Либија

– Ние сакаме да работиме со Русите, да дојдеме на преговарачка маса, да имаме серија разговори што конечно ќе доведат до решение што ќе го создаде она што Обединетите нации се обидуваат да го направат, рече Помпео.

Либија е поделена од 2014 година на два ривалски воени и политички табори. Во Триполи е седиштето на меѓународно признатата влада, додека на исток се силите предводени од командантот на либиската национална армија Калифа Хафтар, кој започна офанзива во Триполи.

Американската војска верува дека руските противвоздушни системи собориле американски дрон кој исчезна минатиот месец кај Триполи и бара враќање на остатоците од авионот.