Повеќе од пет милиони Украинци дошле во Полска од почетокот на руската специјална воена операција во Украина, соопшти полската гранична полиција.
„Од 24 февруари, службениците на Граничната полиција регистрираа повеќе од пет милиони луѓе на граничните премини од Украина кон Полска“, се вели во соопштението.
Според податоците на Граничната полиција, во последните 24 часа од Украина во Полска преминале 22.600, а во спротивна насока 27.500. Во соопштението за медиумите се истакнува дека од почетокот на операцијата од Полска до Украина патувале вкупно 3.099.000 луѓе.
Според статистиката на УНХЦР, до 19 јули 5.988.696 луѓе избегале од Украина во други делови на Европа. Најголем дел од нив се регистрирани во Русија, Полска, Германија и Чешка.
УНХЦР има регистрирано 9.567.033 премини на границата од Украина од 24 февруари и 3.793.403 премини во Украина.