Во експлозијата во близина на аеродромот во Кабул загинале неколку американски војници.
Портпаролот на Пентагон, Џон Кирби објави дека има загинати американски војници, но не го прецизира бројот.
Statement on this morning's attack at #HKIA: pic.twitter.com/Qb1DIAJQJU
— John Kirby (@PentagonPresSec) August 26, 2021
Фокс њуз објави дека загинале дури 10 американски војници, а има и повеќемина ранети.
Официјалните лица велат дека податоците од терен се уште пристигнуваат и дека се обидуваат да го утврдат точниот број на жртви, пренесува Асошиејтед прес.
Податоците за бројот на загинати и ранети објавени од светските медиуми значително се разликуваат.
Американскиот Волстрит Журнал објави дека во експлозиите загинале најмалку 60 Авганистанци и четворица американски војници, повикувајќи се на изјавата на здравствениот службеник.
#GRAPHIC: Horrific aftermath following terror attack at the Kabul airport. pic.twitter.com/EYm7lN4Hdg
— Election Wizard (@ElectionWiz) August 26, 2021
Според податоците што ги дадоа талибанците за агенцијата Франс прес, меѓу 13 и 20 лица загинаа, а 52 се повредени во денешниот напад на двајца бомбаши самоубијци и вооружени мажи.
И покрај нападот, евакуацијата продолжи од аеродромот во Кабул, каде илјадници луѓе сакаат да ја напуштат земјата, стравувајќи од одмазда од Талибанците.
Експлозијата се случи кај портата Аби, каде илјадници авганистански бегалци останаа во четвртокот и покрај тоа што беа затворени од американските војници поради зголемената загриженост во врска со заканата.
BREAKING: Large explosion just outside #Kabul airport. Casualties confirmed. pic.twitter.com/fgQg6G9Kkb
— David Kimball (@wxandnews) August 26, 2021
Најмалку 40 лица загинаа, додека 100 се повредени во експлозијата, објавило тамошното Министерство за здравство.