Најмалку 27 лица загинаа во експлозија и пожар на бензинска пумпа во Дагестан на југот на Русија, јавува Би-би-си.
Експлозијата, како што се пренесува, се случила синоќа во регионалната престолнина Махачкала, која се наоѓа на брегот на Каспиското Море.
Во експлозијата, чија точна причина се уште не е утврдена, се повредени десетици луѓе.
Сликите кои доаѓаат од Русија покажуваат голем оган кој го осветлува небото и бројни противпожарни возила на местото на настанот.
BREAKING – Russia: A powerful explosion at a service building of a gas station close to an oil depot in the city of Makhachkala, Dagestan. pic.twitter.com/3EapsxcPYo
— Jack Straw (@JackStr42679640) August 15, 2023
Ангажирани се околу 260 вработени во итната помош, како и авион за евакуација на тешко повредените во Москва, соопштило тамошното Министерство за вонредни ситуации.
Руската новинска агенција Интерфакс ги цитираше лекарите дека меѓу загинатите има и три деца.
NEW – Massive explosion and fire at a filling station in Dagestan, Russia, at least 12 killed, dozens injured
READ: https://t.co/hBFOV0MIwK pic.twitter.com/L4TkA6qgcc
— Insider Paper (@TheInsiderPaper) August 14, 2023
Се додава дека пожарот се проширил на површина од 600 метри квадратни и дека постои опасност од дополнителни експлозии.
Неименуван сведок, цитиран од рускиот весник „Известија“, изјавил дека пожарот избувнал на паркингот спроти бензинската пумпа.
По експлозијата сè ни падна на глава. Ништо не можевме да видиме, рекол сведокот.
Рускиот истражен комитет соопштил дека пожарот избувнал во околниот објект кој бил сервис за автомобили, „по што следела експлозија“ која се проширила на бензиската пумпа.
Поведена е кривична постапка за утврдување на околностите кои довеле до инцидентот, соопшти Комитетот.
Република Дагестан е една од 83-те федерални единици на Руската Федерација и е најјужниот дел на земјата. Махачкала се наоѓа на околу 1.600 километри од Москва.