Веста дека Алек Болдвин ја застрелал својата колешка Халина Хачинс на снимањето на филмот „Раст“ вчера го вознемири светот. Многумина застанаа во негова одбрана тврдејќи дека тоа не е негова вина, а се споменува и информацијата дека на снимањето е употребен вистински пиштол. Ова го демантираше неговата колешка Дебра Месинг, која на Твитер го поддржа шокираниот Болдвин.
Месинг реагираше на објавата на Бени Џонсон, конзервативна медиумска личност:
„Важна вест: Алек Болдвин уби лице со пиштол, во тек е кривична истрага. Ова е вистинскиот наслов за вас“.
Спомнувањето на вистинскиот пиштол на сетот се уште никому не му е баш јасно, па актерката реагираше и ги демантираше информациите:
„Апсолутно НЕ е точно. Му беше предаден реквизит пиштол, кој го користеше на сцената. Потоа се случи катастрофален настан каде Халина Хачинс го загуби животот, а Џоел Соуза беше повреден. Се молам за сите нивни семејства“.
It is absolutely NOT. A prop gun was handed to him . He used it in the scene. Then- a catastrophic event happened where Halnya Hutchins lost her life and Joel Souza was injured. I am praying for all of their families. https://t.co/dsUxsofs3F
— Debra Messing✍🏻 (@DebraMessing) October 22, 2021
Да потсетиме, холивудскиот актер Алек Болдвин вчера под несреќни околности ја убил директорката на фотографија Халина Хачинс за време на снимањето на вестерн во Ново Мексико во САД кога пукал од пиштол, пишува „Њујорк тајмс“. Режисерот на тој филм Џоел Соуза е ранет во овој бизарен инцидент.
Истрагата останува отворена и активна, а не е покренато обвинение во врска со овој инцидент.