Немирите во Франција траат веќе една недела, а сега загина еден пожарникар. Хаос зафати многу градови и покрај апелите за смиреност на семејството на убиениот млад човек (17). Да потсетиме, млад северноафриканец беше убиен од полицаец при контрола.
Пожар избувнал во подземна гаража на станбена зграда во Сен Дени на северот од Париз вчера во три часот по полноќ. Почнал да се шири на катовите и станарите морале да бидат евакуирани.
Инцидентот избувна во шестата ноќ од почетокот на немирите во многу градови низ Франција. За гаснење на пожарот дошол и пожарникар (24), кој тукушто починал на работното место. Отворена е истрага за утврдување на околностите на пожарот.
Сè уште не е воспоставена формална врска меѓу тој инцидент и урбаните немири што ја потресоа Франција од вторникот, кога полицаец го уби Нахел М. (17), од северноафриканско потекло, за време на сообраќајна контрола во париското предградие Нантер. Неговото тело беше погребано во саботата на гробиштата Мон Валеријан во истото предградие.
Адвокатите на семејството на момчето побараа од медиумите да не присуствуваат на погребот поради почитување на приватноста на ужаленото семејство.