Шведска, како претседавач на Советот на ЕУ, одлучи да го одложи официјалното потпишување на новите стандарди за емисија на CO2 за автомобили и комбиња, првично закажано за 7 март, за подоцнежен состанок на Советот на ЕУ.
Официјалното одобрување од Советот за новите стандарди, со кои ефикасно ќе се стави крај на продажбата на нови автомобили со мотори со внатрешно согорување од 2035 година, требаше да биде формалност откако земјите од ЕУ го отфрлија договорот во ноември, објави бриселски Политико.
Сепак, германскиот министер за транспорт Фолкер Визинг, член на либералната партија Слободни демократи, оваа недела предупреди дека Берлин ќе ја откаже својата поддршка доколку Европската комисија не излезе со план за одредување на улогата на е-горивата по 2035 година.