Актуелно
Почетна / Глобално / Свет / Сорос стои зад назначувањето на четворицата американски амбасадори во Украина, тврди Џулијани

Сорос стои зад назначувањето на четворицата американски амбасадори во Украина, тврди Џулијани

Американскиот милијардер Џорџ Сорос стои зад назначувањето на четворицата американски амбасадори во Украина, вклучувајќи ја и амбасадорката Мери Јовановиќ, изјави во интервју за списанието „Њујорк“ адвокатот на американскиот претседател, Рудолф Џулијани.

-Сорос ги постави сите четворица тамошни амбасадори. И тој ги најмува агентите на ФБИ, изјави поранешниот градоначалник на Њујорк.

Џулијани додаде дека Сорос ја „контролира“ Јовановиќ. Тој смета дека медиумите ги исполнуваат сите наредби на милијардерот, раскажувајќи невистинити прикаски за него лично.

Претставничкиот дом на американскиот Конгрес претходно поднесе импичмент за претседателот Доналд Трамп заради злоупотреба на неговите овластувања и попречување на работата на Конгресот.

Првиот човек на Белата куќа е осомничен дека за лични политички цели кај украинските власти инсистирал да се истражува Хантер Бајден, синот на поранешниот американски потпретседател Џо Бајден, кој работел за енергетската компанија „Бурисма“. Татко му Џо Бајден е еден од претендентите за номинација на Демократската партија за претседателските избори во ноември 2020 година.

loading...