Роналдо знаеше дека сака да стане најдобриот играч на светот и тој целосно се посвети на тоа. Неговиот живот е фокусиран само на фудбалот, а тој ретко сака да зборува за тоа што прави во слободно време.
Неговите соседи во Торино им откриле на италијанските медиуми дека Роналдо е исклучително тивок и повлечен човек и дека тој е тотална спротивност од она што се зборува за фудбалерите.
„Кај него ги нема тие забави, дружење со пријатели и соиграчи секој ден или возење диво низ населбата. Тој е неверојатно мирен човек, како и целото негово семејство“, рече Елизабет Борел, која живее веднаш до Роналдо.
„Често е надвор со децата и тие си играат, но воопшто не прават врева. Нè предупредуваа за фудбалерите и ни кажаа какви немири тие носат кога ќе се вселат, но тој е неверојатен. Сите сме изненадени од тоа колку тој се грижи за сè. Не го очекувавме тоа кога се всели во куќата до нашата“, додаде таа.