Во мрачното видео објавено на Твитер, маж вози во опожарениот град Батлоу, во австралиската држава Нов Јужен Велс. Двете страни од патот се прекриени со пепел и многу чад. Глетката ја прават уште поужасна и јагленисаните остатоци од животните кои загинале во пожарите што дивееја низ регионот, пренесува Си-Ен-Ен.
Пожарите кои со месеци горат низ Австралија, ги уништија домовите и ги збришаа градовите. Низ Австралија, изгорени се скоро 18 милиони хектари земјиште – голем дел од нив се шуми, национални паркови, домови на саканиот и уникатен животински свет.
Речиси половина милијарда животни се погодени од пожарите само во Нов Јужен Велс, а милиони потенцијално мртви, тврдат еколозите на Универзитетот во Сиднеј. Оваа бројка вклучува птици, влекачи и цицачи. Од бројката се исклучуваат лилјаци, инсекти и жаби – што значи дека вистинскиот број е веројатно многу поголем.
Вкупниот број на животни погодени на целата земја би можел да достигне дури и милијарда, според Кристофер Дикман, екологот на Универзитетот во Сиднеј кој го водел извештајот.
Пожарите не се ништо ново во Австралија, но тие се зголемуваат и стануваат по деструктивни во последните години, проблем што се влошува со климатските промени. И животните биле на првите линии – Австралија има најголема стапка на загуба на видовите од која било област во светот, а истражувачите стравуваат дека стапката би можела да се зголеми со продолжување на пожарот.
Graphic warning. Absolutely gut wrenching drive into Batlow this morning. Never seen anything like it. #AustraliaFires @abcnews @ABCemergency pic.twitter.com/Pey69MdVkG
— Matt Roberts (@ABCcameramatt) January 5, 2020