Играчот од средниот ред на Њукасл, Сандро Тонали е под истрага од Фудбалската асоцијација на Англија (ФА) поради прекршување на правилата против обложување.
Италијанецот веќе отслужува 10-месечна суспензија од Италијанскиот фудбалски сојуз поради обложување за време на неговото играње за Милан.
Новите докази покажуваат дека Тонали се обложувал и кога дошол во Њукасл. Младиот 23-годишен играч од средниот ред го прекрши правилото дури 50 пати од 12 август до 12 октомври 2023 година.
На Тонали му е даден рок до 5 април да одговори на обвиненијата.
„Добивме потврда дека е покрената истрага. Клубот и Тонали целосно ќе соработуваат. Тоа е се што можеме да кажеме во моментов“, се вели во соопштението на клубот лиферувано до медиумите.
Тонали пристигна во Њукасл минатиот јули во трансфер вреден 60 милиони фунти од Милан.