Тренерот на Баерн Минхен, Нико Ковач вели дека Ариен Робен е оптимист во врска со неговото враќање на теренот. Ова се случи за време на прес-конференцијата на Ковач пред посетата на Вердер Бремен во Купот на Германија.
Холандското крило последен пат забележа официјален натпревар со баварскиот тим на 27 ноември против Бенфика од групната фаза од Лигата на шампионите.
Во 2019 година, тој постојано страда од разни повреди, од кои најновата е во мускулот на ногата во март.
Договорот со Робен истекува на крајот од сезоната и нема да биде обновен.
Сепак, Ковач даде повод за надеж дека легендата на Баерн ќе биде во можност да запише барем уште еден натпревар за клубот. „Ариен се чувствува подобро и е оптимист“, потврди хрватскиот стратег.
Сепак, тој додаде дека не сакал „да ја направи ситуацијата да изгледа подобро отколку што навистина е“, бидејќи ова не е прв пат оваа сезона да се појават информации за можното враќање на Ариен Робен.
При победа над Вердер во полуфиналниот натпревар, Баерн Минхен ќе обезбеди место во финалето на германскиот куп на 25 мај во Берлин.