Растот на цената на суровините потребни за производство на батерии доведе до големи проблеми во автомобилската индустрија, која брзо се електрифицира. Според одредени експерти, цената на електричните автомобили, која веќе вртоглаво порасна, ќе продолжи да расте во блиска иднина.
Цената на петнаесетте најпопуларни електрични возила во Германија скокна за цели 14,5 отсто во август 2022 година во однос на истиот месец од претходната година, а просечниот пораст на цената е 5.385 евра.
Истражувањето на пазарот спроведено од Центарот за автомобилски истражувања (CAR) покажа дека цените „вртоглаво пораснале“, но според многу експерти, тие нема да застанат на ова ниво, бидејќи цените на суровините за производство на батерии продолжуваат да растат. На пример, Tesla Model 3 е за 7.000 евра поскап од лани, а основната верзија сега чини 49.900 евра. Ford ја зголеми почетната цена на Mustang Mach-E за 9.000 евра на 56.500 евра, а Audi и Porsche исто така ја зголемија цената на своите електрични автомобили.
Како што пишува магазинот „ХАК“, новата регулатива на германската влада, која вклучува ограничување на субвенциите за електромобилност, само ја зголемува грижата за иднината на електричните возила. Никој повеќе не сака да плати 35.000 евра за мал автомобил на батерии како Renault Zoe. Во периодот од 2016 до 2021 година, Германија потрошила околу 4,6 милијарди евра за поттикнување на транзицијата кон електромобилност.