Украина се пласира во четвртфиналето на Европското првенство, откако резервистот Артјом Довбик се запиша на самиот крај на второто продолжение во 120 минута.
Избраниците на Андриј Шевченко победија со 2-1 против Шведска и ќе се соочат со Англија во битка за пласман во полуфиналето.
Александар Цинченко го отвори резултатот во 27-та минута, а непосредно пред паузата Емил Форшберг израмни.
Немаше голови по паузата, но Форшберг двапати ја погоди гредата, а ударот на Сидорчук исто ја погоди гредата.
Бидејќи немаше повеќе голови, натпреварот замина во продолженија, а во 99-та минута Шведска остана со играч помалку. Даниелсон најпрво доби жолт картон за остар фаул над Беседин, но Орсато ја погледна снимката и му даде црвен картон на шведскиот дефанзивец.
Кога веќе се чинеше дека ќе гледаме пенал рулет, Украина погоди за 2-1. Зинченко уфрли брилијантно, а Довбик погоди со глава за победа.
Во својот трет настап на Европското првенство, Украина за првпат ја помина групата, а сега отиде чекор понатаму.