Бездомничката од американското метро, која го освои интернетот кога беше објавена снимка на која совршено изведува оперска арија, добила понуда за работа и тоа од врвен холивудски продуцент.
Емили Замурка (52), како што се вика оваа жена, ја извела операта на Пучини “Џани Скики”, а видеото се појави на Твитер профилот на полицијата на Лос Анџелес и досега собра неколку милиони прегледи.
Таа се пресeлила од Русија во САД пред 20 години, но откако се разболела и не можела да ги плати сите медицински сметки, останала на улица.
Нејзината виолина од 10.000 долари била украдена додека живеела како бездомничка. Греми добитникот, продуцентот Џоел Дајмонд и понудил договор за снимање, а кампањата “GoFundMe” веќе собрала 59.000 долари за да ѝ помогне на Замурка, под услов да “ја сака нивната” помош, пишува Индипендент.
4 million people call LA home. 4 million stories. 4 million voices…sometimes you just have to stop and listen to one, to hear something beautiful. pic.twitter.com/VzlmA0c6jX
— LAPD HQ (@LAPDHQ) September 27, 2019
Додека живеела на улица, месечно добивала само 400 долари социјална помош од државата. Таа прво се исплашила дека полицаецот ја снима, и го молела да не ја објавува, но таа снимка можеби ќе и го промени животот. Не е објавено дали ја прифатила понудата на славниот продуцент.