Рускиот претседател Владимир Путин викендов изненадно ги посети окупираните територии на Украина, обновувајќи многу тврдења дека може да користи тим на двојници. Критичарите укажуваат на еден дел од неговото тело за да ја докажат својата поента – неговите уши.
Петро Андриушченко, советник на градоначалникот на Мариупол, опколениот украински град кој Путин го посети, на Телеграм напиша дека „Путин или еден од неговите двојници“ бил во ноќна посета на окупираниот регион – а не самиот Путин. Иако заговорот може да звучи лудо, во него има елемент на вистината: понекогаш се користат политички мамки на меѓународната сцена – а луѓето можат да се препознаат по одредени мерки на нивните уши.
Have a look at the ears pic.twitter.com/jfSRPemHRu
— 🇺🇦Palkyi Dorjee 🇺🇦 #freetheATACMS (@OMPMH) March 19, 2023
Потсетуваме, во интервју за „Дејли Мејл“, шефот на украинската воена разузнавачка служба, генерал-мајор Кирил Буданов, сугерираше дека рускиот лидер користи тим од двојници. Двојниците, рече Буданов, порано го менуваа Путин само во посебни прилики, но по инвазијата на Украина тие станаа вообичаена практика.
„Конкретно знаеме за тројца двојници, но не знаеме колку се вкупно“, рече Буданов во интервјуто во октомври. „Сите имале пластична операција за да личат колку што е можно повеќе на него. Една од работите кои ги издаваат е нивната висина. Тоа е видливо на видеата и сликите. Но, исто така, говорот на телото и ушите – нешто што е уникатно за секој човек“.
Корисниците на Твитер изобилно шпекулираат дека двојникот на Путин отишол во Украина, фокусирајќи се и споредувајќи го обликот на неговото уво со фотографиите од 2006 и 2018 година.
ears are like thumbprints. which one matches? pic.twitter.com/RsAj9dVxPo
— 🇺🇦Palkyi Dorjee 🇺🇦 #freetheATACMS (@OMPMH) March 19, 2023
Иако тврдењата на Буданов за употребата на телесни двојници не можат да се потврдат, употребата на ушите во контекст на единствениот „човечки отпечаток“ се практикува со децении. Од 1950-тите, форензичарите користеа мерења на ушите за да ги идентификуваат осомничените, а во ерата на дигиталните алгоритми, угледниот Wired еднаш објави дека софтверот кој ги идентификува луѓето по нивните уши може да биде поефективен идентификатор од, да речеме, отпечатоците од прсти.
Which one do you think is the real one? pic.twitter.com/SV8TVdnUQE
— Anton Gerashchenko (@Gerashchenko_en) March 20, 2023
„Како што старееш, увото не ти се менува – само станува се поголемо, но пропорциите остануваат исти“, изјави за Би-Би-Си Марк Никсон, експерт за компјутерска визија од Универзитетот во Саутемптон и водечки истражувач во препознавање уши.
Во 2018 година, „Интернешнл Бизнис Тајмс“ ја нарече идејата дека Путин користи двојници „една од најчестите теории на заговор“ – но скептиците не се убедени.