Четирикатна гаража за паркирање се урна во вторникот во долниот дел на Менхетен, во Њујорк, во близина на Универзитетот Пејс, при што загина најмалку еден работник, а се повредени уште петмина.
Пожарникарите од Њујорк активирале куче-робот и го испратиле меѓу урнатините на гаража на Менхетен. Неговата задача е да пронајде преживеани, но и да го процени уништувањето во кое загина еден работник, а повредени се пет лица.
Кучето по име „Спот“ се користи на местото на пожарникарите, откако структурниот интегритет на речиси 100-годишната зграда беше прогласен за небезбеден, соопшти одделот.
The @FDNY robot dog on the scene. #fidi #garagecollapse pic.twitter.com/JAHc3abVsD
— DaDa Rocks! (@dadarocks) April 18, 2023
„Фала му на Бога што имаме куче-робот што може да влезе во зградата. Идеално е затоа што не мораме да испраќаме човечко битие во зграда која е нестабилна“, изјави градоначалникот Ерик Адамс.
Видеото снимено на местото на настанот покажува како Спот, робот од речиси 75.000 долари, се движи кон урнатините и паѓа на страна откако се обидел да се искачи на градежен шут.
Спот, тежок нешто повеќе од 30 килограми, минатата година го купија пожарникарите за мисии за пребарување и спасување, а беше создаден од Boston Dynamics. Оттогаш на кучето му е даденo новo „руво“ со точки што го прави да личи на далматинец, оригиналната раса на противпожарната служба, пишува New York Post.